اسلام آباد ہائیکورٹ نے شہریارآفریدی کی ایم پی او کے تحت گرفتاری کے خلاف درخواست کا تحریری حکمنامہ جاری کردیا۔ ڈی سی اسلام آبادعرفان میمن اورایس ایس پی آپریشنزجمیل ظفر کے جواب کو غیرتسلی بخش قراردیتے ہوئے آئندہ سماعت پر دونوں پر فرد جرم عائد کرنے کا فیصلہ کیا گیا ہے۔
عدالت نے تحریری فیصلے میں کہاکہ بادی النظر میں ڈی سی اسلام آباد نے عدالتی احکامات کی خلاف ورزی کی ۔ ڈپٹی کمشنر نے نظام انصاف کو بےکار سمجھا اور نیچا دکھانے کی کوشش کی ۔
جسٹس بابرستارنے ایم پی اوگرفتاری کیخلاف درخواست پرتحریری حکمنامے میں ڈی سی کے بطورڈسٹرکٹ مجسٹریٹ اور ایس ایس پی آپریشنزکے جوابات غیرتسلی بخش قرار دیے۔
عدالت نے کہا کہ ڈی سی راولپنڈی کے ایم پی اوآرڈرختم ہونے پراگلے روزڈی سی اسلام نےایم پی او جاری کیا۔ بادی النظرمیں ڈی سی اسلام آباد نے اس کورٹ کےآرڈرزکی خلاف ورزی کیۯ
فیصلے میں کہا گیا ہے کہ ڈسٹرکٹ مجسٹریٹ چاہیں تودوبارہ اپنا تفصیلی جواب جمع کروا سکتے ہیں۔
عدالت کے مطابق بادی النظرمیں ایس ایس پی آپریشنز نے سورس رپورٹ ربڑاسٹیمپ کے طورپرلی۔ آئی جی اسلام آباد نام بتائیں گے کہ کس ایس ایچ او اور ڈی پی او نے یہ سورس رپورٹ دی ۔
عدالت نے ایس ایچ او اور ڈی پی او کو بھی شوکاز نوٹس جاری کرتے ہوئے آئندہ سماعت پرجواب طلب کرلیا۔
