نگراں وفاقی وزیر داخلہ سرفراز بگٹی نے نئے اسلحہ لائسنسز کے اجراء پر پابندی عائد کردی۔ انہوں نے کہا کہ جڑانوالہ کا سانحہ انتہائی شرمناک اور رسول پاکﷺ کی تعلیمات کے منافی ہے، ملک میں کسی گروہ کو تشدد کی اجازت نہیں دی جائے گی۔
نگراں وفاقی وزیر سرفراز بگٹی کی وزارت داخلہ آمد ہوئی، جہاں انہوں نے وزارت داخلہ کا باقاعدہ چارج سنبھال لیا۔
نگراں وفاقی وزیر مرتضی سولنگی نے وزارت سنبھالنے کے بعد پہلا حکم کیادیا؟
نگراں وفاقی وزیر توانائی محمد علی نے عہدے کا چارج سنبھاللیا
شمشاد اختر وزیر خزانہ، ڈاکٹر گوہر اعجاز کو بھی اہم وزارت ملگئی
وزارت داخلہ آمد پر وفاقی سیکرٹری داخلہ سید علی مرتضیٰ سمیت دیگر حکام نے سرفراز بگٹی کا استقبال کیا۔
وزارت داخلہ آمد پر نگراں وزیر داخلہ کو سلامی پیش کی گئی جبکہ وزارت داخلہ اور اس کے ذیلی اداروں سے متعلق تفصیلی بریفنگ دی گئی۔
اس موقع پر نگراں وزیر داخلہ سرفراز احمد بگٹی نے کہا کہ تمام شہریوں کا تحفظ ریاست کی اولین ذمہ داری ہے، جڑانوالہ کا سانحہ انتہائی شرمناک اور رسول پاکﷺ کی تعلیمات کے منافی ہے، ہر شہری کو حق حاصل ہے کہ وہ پورے ملک میں بلا خوف و خطر نقل و حمل کر سکے، کرپشن کو کسی صورت میں برداشت نہیں کیا جائے گا۔
نگراں وزیر داخلہ کے حکم پر نئے اسلحہ لائسنسز کے اجرا پر پابندی عائد کر دی گئی۔
سرفراز بگٹی پاکستان کے 47 ویں وفاقی وزیر داخلہ بنے ہیں۔
