گزشتہ رات کالعدم نور ولی محسود گروپ کے کارندوں نے جماعت الاحرار کے اسد آفریدی کے ٹھکانے کو نشانہ بنایا، اور راستے سے ہٹانے کیلئے اس کے سر کی قیمت مقرر کردی۔
کالعدم ٹی ٹی پی نور ولی محسود گروپ نے خوست میں گل بہادر گروپ پر حملے کے بعد اب جماعت الاحرار کو نشانے پر رکھ لیا ہے۔
نور ولی محسود نے اسد آفریدی کو قلعہ سیف اللہ حملے کے حوالے سے کالعدم ٹی ٹی پی کے راز افشاء کرنے پر ولایت کے منصب سے فوری ہٹا دیا تھا، اور اسے راستے سے ہٹانے کیلئے اس کے سر کی قیمت مقرر کی۔ جب کہ گزشتہ رات محسود گروپ کے کارندوں نے اسد آفریدی کے ٹھکانے کو نشانہ بنایا۔
واضح رہے کہ کالعدم جماعت الاحرار کے کمانڈرز نے اپنے رہنماؤں سربکف مہمند اور عمر خالد خراسانی کے قتل کا ذمہ دار نور ولی محسود کو قرار دیا تھا۔
