لاہور ہائی کورٹ راولپنڈی کے ڈویژن بینچ نے تھری ایم پی او نظر بندی کے خلاف پیشگی عدالتی اجازت کی پابندی کا سنگل بینچ کا فیصلہ معطل کردیا۔
عدالتی فیصلے کے بعد ڈپٹی کمشنر کا کسی بھی شخصیت اور کارکن کو کسی بھی وقت بغیر اجازت نظر بند کرنے کا اختیار بحال ہوگیا ہے۔
جسٹس جواد حسن اور جسٹس مرزا وقاص رؤف نے فریقین کو نوٹسز جاری کرتے ہوئے دو ہفتوں میں جواب طلب کر لیا جب کہ اپیل پر سماعت پر آئندہ سماعت ستمپر کے پہلے ہفتے میں متوقع ہے۔
اپیل میں کہا گیا ہے کہ بغیر وجہ بتائے نظربندی آئین اور قانون اختیار دیتا ہے جسے معطل نہیں کیا جا سکتا۔
ڈپٹی کمشنر کا صوابدیدی اختیار ختم ہو تو نظربندی کی افادیت بھی ختم ہوجاتی ہے، تھری ایم پی او کے تحت نظربندی اقدام مشروط کرنےکا سنگل بنچ فیصلہ کالعدم قرار دیا جائے۔
واضح رہے کہ چند ہفتوں قبل لاہور ہائی کورٹ کے علاوہ سندھ ہائی کورٹ اور پشاور نے بھی ڈپٹی کمشنرز کی جانب سے جاری تھری ایم پی او کے احکامات کو کالعدم قرار دیا تھا۔
