کراچی کے نجی اسپتال میں خاتون پری میچور بچے کی لاش چھوڑ کر فرار ہوگئی، پولیس نے سی سی ٹی وی فوٹیجز حاصل کرلیں، اسپتال سے فرار ہونے والی خاتون کی تلاش جاری ہے۔
کراچی کے نجی اسپتال میں خاتون پری میچوربچے کی لاش چھوڑ کر فرار ہوگئی، واقعہ کا مقدمہ حیدری تھانے میں درج کرلیا گیا۔
انتظامیہ کے مطابق مریم نامی خاتون ڈاکٹر کو دکھانے نجی اسپتال آئی، ملزمہ الٹراساؤنڈ کروانے سے قبل بیت الخلاء گئی، اور اسپتال سے نکل کر اچانک فرار ہوگئی، بیت الخلاء چیک کرنے پر اندر سے پری میچور بچے کی لاش ملی۔
انتظامیہ کی شکایت پر واقعے کا مقدمہ درج کرلیا گیا ہے، اور پولیس نے برقعہ پوش خواتین کی سی سی ٹی وی فوٹیج حاصل کرلی ہیں، فوٹیج میں ایک خاتون کو ویل چئیر پر بیٹھے دیکھا جا سکتا ہے۔
پولیس حکام کا کہنا ہے کہ فرار خاتون کا موبائل نمبر حاصل کرلیا گیا ہے، اور سی سی ٹی وی فوٹیجز کی مدد سے خاتون کی تلاش جاری ہے۔
