وزیر اعظم شہبازشریف کا کہنا ہے کہ تمام جماعتوں کی طرف سے انوارالحق کاکڑ کے نام پر اعتماد ہمارے درست انتخاب کی علامت ہے۔
وزیراعظم شہبازشریف نے انوارالحق کاکڑ کو نگراں وزیراعظم بننے پر مبارک دیتے ہوئے کہا کہ بلوچستان سے نگراں وزیراعظم کا انتخاب خوش آئند ہے۔
میاں صاحب آپ نے ابھی تک سبق نہیں سیکھا، اختر مینگل کا نواز شریف کوخط
باپ کی بنیاد رکھنے والے انوار الحق کاکڑ نگراں وزیراعظمتعینات
نگراں وزیراعظم کی نامزدگی پر تحریک انصاف کا ردعمل، کاکڑ سے توقعاتہیں، شاہ محمود
انہوں نے کہا کہ آئینی طریقہ کار پر چلتے ہوئے ایک اچھے نام پر اتفاق ہوا، اپوزیشن لیڈر راجہ ریاض کا شکریہ ادا کرتا ہوں جنہوں نے مشاورت میں مدد کی۔
شہبازشریف نے مزید کہا کہ انوارالحق کاکڑ ایک پڑھے لکھے اورمحب وطن شخص ہے، تمام جماعتوں کی طرف سے انوارالحق کاکڑ کے نام پر اعتماد ہمارے درست انتخاب کی علامت ہے، امید ہے کہ وہ ملک میں شفاف، آزادانہ اورغیرجانبدارانہ انتخابات کے انعقاد کو یقینی بنائیں گے۔
وزیراعظم کا کہنا تھا کہ 16 ماہ میں ہم نے دن رات محنت کرکے ملک کو جس معاشی استحکام سے ہم کنار کیا ہے، امید ہے اس کا تسلسل جاری رہے گا، ترقی، تعمیر اور معاشی بہتری کا تسلسل یقینی بنانا پاکستان اور عوام کی بہتری کے لئے ضروری ہے۔
شہباز شریف کا مزید کہنا تھا کہ دعا گو ہوں کہ نگراں وزیراعظم اور ان کی کابینہ عوام اور آئین کی توقعات پر پورا اتریں۔
خیال رہے کہ وزیراعظم شہباز شریف اور سابق قائد حزب اختلاف راجہ ریاض نے نگراں وزیراعظم کے لیے بلوچستان عوامی پارٹی کے رہنما انوار الحق کاکڑ کا نام منظور کیا جس کی صدر پاکستان نے بھی منظوری دے دی ہے اور انوار الحق کاکڑ 14 اگست کو نگراں وزیراعظم کے عہدے کا حلف اٹھائیں گے۔
