کراچی: سندھ ہائی کورٹ نے صوبائی حکومت کو مختلف محکموں میں نئی بھرتیوں سے روک دیا ہے۔
عدالت نے ایم کیو ایم پاکستان کی درخواست پر سندھ حکومت کو مختلف محکموں میں نئی بھرتیوں سےروکتے ہوئے ملازمتوں سے متعلق جاری مختلف محکموں کے اشتہارات کو معطل کردیا۔
سندھ ہائی کورٹ نے حکومت سمیت دیگر کو 30 اگست کے لئے نوٹسز بھی جاری کردیے ہیں۔
ایم کیو ایم کی جانب سے دائر درخواست میں کہا گیا کہ سندھ حکومت کی مدت 11 اگست کوختم ہو رہی ہے، حکومت بغیر قانونی تقاضے پورے کیے بھرتیاں کر رہی ہے۔
یہ بھی پڑھیں:
محکمہ تعلیم سندھ کے جعلی بھرتیوں والے ملازمین نوکری سےفارغ
محکمہ اسکول ایجوکیشن سندھ کا ارلی چائلڈ ہوڈ ٹیچرکی بھرتیوں کافیصلہ
درخواست میں کہا گیا کہ انتخابات سے قبل ملازمتیں دینا دھاندلی کے زمرے میں آتا ہے، حکومت من پسند افراد کو نوکریوں سے نوازرہی ہے۔
