لیہ میں ہونے والے ٹریفک حادثے میں ایک ہی خاندان سے تعلق رکھنے والے 8 افراد جاں بحق اور 6 زخمی ہوگئے۔

جنوبی پنجاب کے ضلع لیہ میں صبح سویرے خوفناک ٹریفک حادثہ 8 جانیں لے گیا، حادثے میں 6 افراد زخمی بھی ہوئے۔

پولیس حکام کے مطابق مسافر وین بھکر سے میاں چنوں جارہی تھی کہ تحصیل چوبارہ کے اڈہ حافظ آباد کے قریب ٹرک سے تصادم ہوگیا، حادثے کی اطلاع ملتے ہی پولیس اور ریسکیو کی ٹیمیں جائے حادثہ پر پہنچ گئیں، اور لاشوں اور زخمیوں کو تحصیل اسپتال چوبارہ منتقل کردیا گیا۔

پولیس حکام کا کہنا ہے کہ ٹریفک حادثہ تیز رفتاری کے باعث پیش آیا، مسافر وین کا ٹائی راڈ کھل گیا تھا اور اور وین منی ٹرک سے جاٹکرائی۔ جاں بحق افراد کا تعلق ایک ہی خاندان سے ہے۔