باجوڑ میں فرنٹیئر کانسٹیبلری (ایف سی) کی گاڑی پر ہونے والے خود کش حملے میں 6 افراد زخمی ہوگئے جبکہ گاڑی کو جزوی نقصان پہنچا۔

باجوڑ کی تحصیل ماموند کے علاقے لرخلوزو اسپتال کے قریب ایف سی کی گاڑی پر خودکش حملہ ہوا۔

خودکش حملے میں 5 ایف سی اہلکار معمولی زخمی ہوگئے جبکہ حملے میں ایک راہگیر بھی زخمی ہوا ہے۔

ڈپٹی سپرنٹنڈنٹ آف پولیس (ڈی ایس پی) ستار خان کے مطابق خودکش بم دھماکا لرخلوزو اسپتال کے قریب مین روڈ پر ہوا۔

ڈی ایس پی کے مطابق واقعے میں کوئی جانی نقصان نہیں ہوا، گاڑی کو جزوی نقصان پہنچا ہے جبکہ پولیس نے واقعہ کی تحقیقات شروع کردی ہے۔