جامعہ کراچی اور سٹی کالج میں دو گروپوں میں تصادم کے نتیجے میں متعدد طلبہ زخمی ہوگئے۔
جامعہ کراچی میں دو طلبہ تنظیموں میں تصادم ہوگیا، طلبہ نے ایک دوسرے پر شدید پتھراؤ کیا اور لاتوں ، مکوں اور ڈنڈوں کا آزدانہ استعمال کیا۔
تصادم کے نتیجے میں 5 طلبہ زخمی ہوگئے ہیں، جنہیں جناح اسپتال منتقل کردیا گیا ہے۔
جامعہ کراچی کے بعد کراچی کے سٹی کالج میں بھی طلبہ تنظیمیں آپس میں لڑ پڑیں، اور دونوں جانب سے ایک دوسرے پر شدید پتھراؤ کیا گیا۔
طلبہ نے ایک دوسرے پر کرسیوں، لاٹھی لاتوں اور گھونسوں کا آزادانہ استعمال کیا، تصادم کے نتیجے میں متعدد طلبہ زخمی ہوگئے۔
پولیس کے مطابق اطلاع ملتے ہی پولیس کالج پہنچ گئی اور کنٹرول حاصل کرلیا، اور جھگڑے کے دوران زخمی طلبہ طبی امداد کے لئے اسپتال منتقل کردیئے گئے، تاہم یہ واضح نہیں ہوا کہ جھگڑا کس بات پر ہوا۔
