یہ انسانی فطرت ہے کہ بڑھتی عمرہمیں اضطراب اور چڑچڑے پن جیسی کیفیات کا شکار بنا دیتی ہے۔ جس سے ہماری نفسیاتی صحت بھی متاثر ہوتی ہے۔
کلیو لینڈ کلینک کی ویبسائٹ پر شائع ایک رپورٹ میں جیریاٹرک فزیشن کیتھلین راجرز نے بتایا کہ 65 سال یا اس سے زیادہ عمر کے افراد کو تنہائی سے ڈر لگتا ہے۔
کیتلین کے مطابق یہ خوف ان کی یادداشت، ذہنی اور جسمانی صحت کے مسائل کی صورت میں خطرہ بن سکتا ہے۔
یہاں چند وجوہات ہیں جن سے ان عمر رسیدہ افراد میں نفسیاتی صحت کے مسائل پیدا ہوتے ہیں۔
جب آپ ریٹائر ہوتے ہیں تو آپ کے معمولات بدل جاتے ہیں اور آپ کے سماجی رابطوں کی ترجیحات بھی مختلف ہو جاتی ہیں۔ ایک اندازے کے مطابق اس تبدیلی کے بعد ایک تہائی ریٹائرڈ افراد کو ڈپریشن کا سامنا کرنا پڑتا ہے۔
یہ بھی پڑھیں: ان طریقوں کو اپنائیے ،صحت مند زندگی گزارئیے
عمر بڑھنے کے ساتھ آپ کے ساتھی، دوستوں، شریکِ حیات اور پیاروں کا بچھڑنا آپ کو تنہائی اور افسردگی میں مبتلا کردیتا ہے جو کئی بیماریوں کا سبب بن سکتا ہے۔
عمر رسیدہ افراد کی جسمانی صحت اور صلاحیت میں کمی ان کے معیارِ زندگی کو متاثر کر سکتی ہے۔
یہ بھی پڑھیں:جسمانی صحت بہتربنانے کے 5 آسان طریقے
ایک مطالعے سے پتہ چلا ہے کہ 65 سال یا اس سے زیادہ عمر کے 10 امریکیوں میں سے ایک کو کسی نہ کسی قسم کا ڈیمنشیا ضرور ہوتا ہے۔ اضطراب اور ڈپریشن کی کیفیت اکثرڈیمنشیا میں تبدیل ہو جاتی ہے۔
کئی ایسے اقدامات ہیں جس سے لوگ عمر بڑھنے کے ساتھ ساتھ اپنی نفسیاتی صحت کی حفاظت کر سکتے ہیں اور ان سے عمر رسیدہ افراد میں ڈپریشن کو روکنے میں مدد ملتی ہے۔
اس کا مطلب یہ ہے کہ کسی نئے کلب یا گروپ میں شامل ہوجائیں، بہن بھائیوں یا پرانے دوستوں کے ساتھ رابطہ قائم رکھیں۔
عبادات میں مصروفیت بھی آپ کو پُر سکون رکھ سکتی ہے، عبادت گاہوں میں وقت گزارنا آپ کے ڈپریشن کو دور کرنے میں معاون ثابت ہو سکتا ہے۔
سائکلنگ، تیراکی، واٹر ایروبکس اور یوگا جیسی جسمانی سرگرمیاں آپ کی اضطراب کی کیفیت کو باآسانی دور کر سکتی ہیں۔
