والدین اکثر و بیشتر ادویات اور صفائی میں استعمال ہونے والی مصنوعات جیسی خطرناک چیزوں کو بچوں کی پہنچ سے دور رکھنے کی کوشش کرتے ہی ہیں۔
لیکن ان ادویات اور کلیننگ پروڈکٹس کے علاوہ اور بھی ایسی چیزیں ہیں جنہیں بچوں کی پہنچ سے دور رکھنا لازم ہے، اور اکثر والدین ان چیزوں کو نظر انداز کردیتے ہیں۔
والدین کو چاہیے کہ حادثات سے بچاؤ کیلئے ان مصنوعات کو بھی اپنے بچوں سے دور رکھیں۔
کلیولینڈ کلینک کی ویب سائٹ پر شائع ایک رپورٹ کے مطابق نیل پالش بذاتِ خود ایک خطرہ ہے، لیکن نیل پالش ریموور بھی جان لیوا ثابت ہوسکتا ہے۔ نیل پالش ریموور میں موجود کیمیکلز گلے اور پیٹ کو نقصان پہنچا سکتے ہیں اور ایسیٹون زہر کے شدید خدشات کا باعث بھی بن سکتے ہیں۔
بالوں کی دیکھ بھال کیلئے استعمال کئے جانے والے مختلف پروڈکٹس بشمول شیمپو اور ہئیر ڈائی بچوں کو چھونے سے ہی خطر ناک دانوں میں مبتلا کرسکتی ہیں اور اس سے تکلیف دہ جلن بھی ہوسکتی ہے۔
یہ بھی پڑھیں:بچوں میں قوت مدافعت بڑھانے والے پھل
پرفیوم اور آفٹر شیو جیسی خوشبو سے بچوں کی آنکھیں متاثر ہونے کا زیادہ امکان ہوتا ہے، اس لئے یہ اشیاء ہر حال میں ان سے دور رکھیں۔
اکژ بچے ان کریمز اور لوشن کو والدین کی غیر موجودگی میں منہ میں لیتے ہیں، جس کے نتائج سنگین ہوسکتے ہیں۔
درج بالا مصنوعات کے علاوہ ڈیوڈورنٹس اور اینٹی پریسپائیرنٹس، نیل پرائمر، پاؤڈر، شیمپو/کنڈیشنر، جلد کے تیل اور سن اسکرین کو بھی اپنے بچوں سے دور رکھیں۔
