پاکستان تحریک انصاف کے چیئرمین عمران خان پر توہین الیکشن کمیشن کیس میں 22 اگست کو فرد جرم عائد ہوگی۔
چیئرمین پی ٹی آئی کے خلاف توہین الیکشن کمیشن کیس کا 2 اگست کی سماعت کا حکم نامہ جاری کردیا گیا جس میں الیکشن کمیشن نے چیئرمین پی ٹی آئی کو دوبارہ طلب کرلیا۔
حکم نامے کے مطابق عمران خان پر توہین الیکشن کمیشن کیس میں فرد جرم 22 اگست کو عائد ہوگی۔
الیکشن کمیشن نے لاء ونگ کو حکم دیا ہے کہ چیئرمین پی ٹی آئی کے وکلاء کو کیس سے متعلقہ دستاویز فراہم کیے جائیں۔
اس سے قبل 2 اگست کو بھی توہین الیکشن کمیشن کیس میں عمران خان پر فرد جرم عائد نہ ہوسکی تھی۔
