مشہوربالی ووڈ اداکار ابھیشیک بچن کی آنے والی فلم ”گھومر“ کا ٹریلر جاری کر دیا گیا ہے۔
ٹریلر میں دیکھا جا سکتا ہے کہ فلم کی کہانی ایک معذور لڑکی پر مرکوز ہے جو بھارتی کرکٹ ٹیم کے لیے کھیلنے کی خواہشمندہے۔
سیامی کھیر اور ابھیشیک بچن فلم میں مرکزی کردار ادا کریں گے۔
فلم میں ابھیشیک بچن ایک ہاتھ سے معذور لڑکی کے کوچ کا کردار ادا کر رہے ہیں۔ آر بالکی نے نہ صرف فلم کا سکرپٹ تحریر کیا ہے بلکہ ڈائریکشن بھی کی ہے۔
ٹریلرمیں کچھ جھلکیاں لیجنڈری بالی ووڈ اداکار اور ابھیشیک بچن کے والد کی اس فلم میں موجودگی کا اشارہ کر رہی ہیں۔
واضح رہے کہ شبانہ اعظمی اور انگد بیدی دونوں آر بالکی کی فلم ’’گھومر‘‘ میں اہم کردار ادا کریں گے، فلم 18 اگست کو سینما گھروں کی زینت بنے گی۔
