اسلام آباد بارایسوسی ایشن نے ایڈیشنل سیشن جج ہمایوں دلاور کے خلاف اعلامیہ جاری کرتے ہوئے کہا ہے کہ کسی بھی صورت میں کالے کوٹ کی توہین برداشت نہیں کی جائے گی، اور کوئی بھی انتہائی قدم اٹھانے سے گُریزنہیں کیا جائے گا۔
عمران خان کے خلاف توشہ خانہ کیس کا مقدمہ سننے والے ایڈیشنل سیشن جج ہمایوں دلاور کے خلاف اسلام آباد بار نے بیان جاری کردیا ہے، جس میں جج کی وکلا سے ہتک آمیزرویہ کی مذمت کی گئی ہے۔
یہ بیان جمعہ کو جج ہمایوں دلاور اور پی ٹی آئی کے وکلا کے درمیان سخت جملوں کے تبادلے کے بعد جاری کیا گیا۔ جج ہمایوں دلاور نے اس دوران ایک وکیل کے داخلے پر پابندی کا عندیہ بھی دیا۔
اسلام آباد بارایسوسی ایشن کے جاری کردہ اعلامیے میں کہا گیا ہے کہ اسلام آباد بار ایسوسی ایشن آزاد اور خود مختارعدلیہ پر یقین رکھتی ہے، جوڈیشل آفسیرکی جانب سے ہتک امیزرویہ قبول نہیں۔
اعلامیے میں مزید کہا گیا ہے کہ کالے کوٹ کی توہین کسی بھی صورت میں برداشت نہیں کی جائے گی، شام تک وکلا سے معافی نہ مانگی توعدالت پیش نہیں ہوں گے، اسلام آباد بار ایسوسی ایشن کوئی بھی انتہائی قدم اٹھانے سے گُریز نہیں کرے گی۔
