بھارت میں 7 ماہ کی بچی موبائل چارجر کا تار چباتے ہوئے کرنٹ لگنے سے چل بسی۔
انڈین ایکسپریس کے مطابق ریاست کرناٹک کے ضلع اترا کنڑ کے ایک گاؤں میں ایک 7 ماہ کی بچی سانیدھی کلگٹکر نے ساکٹ پر لگے موبائل چارجر کا تار اپنے منہ میں لے لیا تھا۔
اس دوران ساکٹ کا بٹن آن تھا۔
اطلاعات کے مطابق بچی جیسے ہی تار چبانے لگی، اسے کرنٹ لگ گیا جس کے فوراً بعد والدین اسے اسپتال لے گئے تھے۔
لیکن ڈاکڑوں کے مطابق بچی اسپتال پہنچنے سے پہلے ہی دم توڑ چکی تھی۔ بچی اپنے والدین کی تیسری اولاد تھی۔
پولیس کی جانب سےافسوسناک واقعے کی تفتیش شروع کر دی گئی ہے۔
