سعودی پولیس کے مطابق گاڑیوں چوری کے الزام میں 13 پاکستانی شہری گرفتار کرلئے گئے ہیں، جب کہ گاڑی چوری کرنے والے دو شامی شہری بھی گرفتار کئے گئے ہیں۔

سعودی پولیس نے بیان جاری کیا ہے جس میں بتایا گیا ہے کہ 13 پاکستانیوں کو سعودی عرب میں گاڑیاں چوری کرنے کے الزام میں گرفتار کرلیا گیا ہے، جب کہ دو شامی شہری بھی اس جرم میں گرفتار کئے گئے ہیں۔ جدہ پولیس نے ملزمان کو پبلک پروسیکیوشن کے حوالے کر دیا ہے۔

سعودی پولیس کے مطابق ملزمان اب تک 19 چھوٹی بڑی گاڑیاں چوری کر چکے ہیں، اور ملزمان گاڑیاں چوری کرکے ان کے پرزے فروخت کر دیتے تھے۔