الیکشن کمیشن میں آج اسلام آباد میں بلدیاتی انتخابات کے حوالے سے ہونے والا اجلاس شروع ہوتے ہی ملتوی ہوگیا۔

الیکشن کمیشن نے اسلام آباد میں نئی حلقہ بندیوں اور بلدیاتی انتخابات کا جاٸزہ لینے کے لیے آٸی جی اسلام آباد، چیف کمشنر اور سیکرٹری داخلہ کو طلب کیا تھا۔

حکام اجلاس میں شرکت کے لیے مقررہ وقت پر پہنچے لیکن کچھ ہی دیر کے بعد روانہ ہو گٸے۔

ایڈیشنل سیکرٹری داخلہ عائشہ خالد نے صحافیوں کو غیر رسمی گفتگو کرتے ہوۓ بتایا کہ اجلاس ملتوی ہونا معمول کی کارروائی ہے۔

اسلام آباد میں بلدیاتی انتخابات کے حوالے سے یہ اجلاس اب آٸندہ پیر کو ہوگا۔