پولیس کو مطلوب پی ٹی آئی رہنما شوکت یوسف زئی جدہ پہنچ گئے، انہوں نے سوشل میڈیا پر جدہ سے اپنی تصویر شئیر کی ہے۔

شوکت یوسفزئی کا کہنا ہے کہ عمرے کی ادائیگی کے لیے جدہ پہنچا ہوں۔

خیال رہے کہ شوکت یوسف زئی پولیس کو 9 مئی واقعات پر مطلوب ہیں، ان کے خلاف پُرتشدد مظاہرے اور توڑ پھوڑ کے مقدمات درج ہیں۔

پولیس نے 21 جولائی کو شوکت یوسف زئی کی گر فتاری کے لیے ان کے گھر پر چھاپہ مارا تھا،لیکن نہ وہ پشاور میں ملے اور نہ ہی اپنے آبائی گھر بشام میں۔

نو مئی واقعے کے بعد کئی سابق وزراء روپوش ہو گئے ہیں۔