سی ٹی ڈی نے بڈھ بیرمیں کارروائی کرتے ہوئے بھتہ خور دہشت گرد بہرام کو گرفتار کرلیا، جس کا تعلق افغانستان سے ہے۔

ترجمان سی ٹی ڈی کے مطابق بڈھ بیر کےعلاقے میں کامیاب کارروائی کے دوران خطرناک دہشت گرد بہرام کو گرفتار کرلیا گیا ہے۔

ترجمان سی ٹی ڈی کے مطابق دہشت گرد بہرام کا تعلق افغانستان سے ہے، اور بھتہ خورگروپ کا اہم ممبر ہے۔

سی ٹی ڈی ترجمان نے بتایا کہ دہشت گرد بہرام بھتہ خوری اور دستی بم حملے سمیت متعدد کیسز میں سی ٹی ڈی کو مطلوب تھا۔