خواتین اور فیشن کا گہرا تعلق ہے اور پاکستان میں بلخصوص مقبولیت، ثقافت اور روایات کے لحاظ سے فیشن کے نت نئے اسٹائلز ٹرینڈ کررہے ہوتے ہیں۔
رواں سال پاکستانی خواتین کیلئے بہت سارے فیشن ٹرینڈزعام ہوئے ہیں جنہیں خواتین کی جانب سے فالو کیا جارہا ہے۔
موسمِ گرما میں ایک نیا ٹرینڈ ’کُرتی نما شرٹ‘ ہے جو خواتین میں بہت مقبول ہے۔
خواتین ان کُرتیوں کے منفرد اسٹائلز سے اپنی ظاہری شخصیت نکھار سکتی ہیں۔
لانگ جارجٹ کی کرتی آپ کو ایک خوبصرت لُک دے سکتی ہے اور آپ کی شخصیت کو گلیمرس بنا دے گی۔
نیٹ کی کرتی آج کل بہت عام ہیں اور اب تک خواتین کیلئے سب سے پسندیدہ بھی ہیں۔
اگر آپ مختلف ڈیزائنز کی شوقین ہیں تو آپ کڑھائی والی کرتی کی مدد سے بھی تھوڑی مختلف اسٹائلنگ کرسکتی ہیں۔
ہلکے کلر کے پلازوکے ساتھ ہلکی اور خوبصورت شیفون کرتی کا ڈیزائن ایک خوبصورت امتزاج ہے۔
ایک نیا لیکن خوبصورت ٹرینڈ بھی بہت مقبول ہے جس میں آپ اپنی کرتی کو شرارے کے ساتھ زیب تن کر سکتی ہیں اور یہ اسٹائل ہر جگہ اپنایا جاسکتا ہے۔
