پنجاب پولیس نے انٹرپول کی مدد سے بیرون ملک فرار ایک اور خطرناک اشتہاری کو گرفتار کرلیا، اب تک بیرون ملک سے پکڑے گئے اشتہاریوں کی مجموعی تعداد 101 ہوگئی۔

پولیس کے مطابق ملزم عبداللہ کو انٹرپول کے ذریعے عمان سے گرفتار کیا گیا جبکہ ملزم کو لاہور لاکر بہاؤلنگر پولیس کے حوالے کر دیا گیا۔

ملزم نے فورٹ عباس میں دیرینہ دشمنی پر فائرنگ کرکے ایک شہری کو قتل کیا تھا جبکہ ملزم گرفتاری سے بچنے کے لیے بیرون ملک فرار ہوگیا تھا۔

ترجمان پنجاب پولیس کے مطابق امریکا، برطانیہ، یورپ، جنوبی افریقا، متحدہ عرب امارات سمیت دیگر ممالک سے اب تک 101اشتہاری کو گرفتار کرکے پاکستان لایا گیا ہے۔