اسلام آباد کی مقامی عدالت نے پاکستان تحریک انصاف کے چیئرمین عمران خان کے خلاف خاتون جج دھمکی کیس کی آج سماعت کا آرڈر جاری کر دیا۔
ڈسٹرکٹ اینڈ سیشن کورٹس اسلام آباد کے جوڈیشل مجسٹریٹ ملک امان نے ایک صفحے پر مشتمل آرڈر جاری کیا۔
حکم نامے میں کہا گیا کہ چیئرمین پی ٹی آئی آج عدالت کے روبرو پیش ہوئے، عدالتی پیشی کے باعث عمران خان کے جاری وارنٹ منسوخ کیے جاتےہیں، سابق وزیراعظم کی درخواست بریت پر دلائل سنے گئے۔
عدالت نے اپنے کہا کہ اسپیشل پراسیکیورٹر کی عدم دستیابی کے باعث سماعت ملتوی کی استدعا کی گئی۔
آرڈر میں مزید بتایا گیا کہ 24 جولائی کو اسپیشل پراسیکیوٹر درخواستِ بریت پر دلائل دیں۔
