غلاف کعبہ کوکسوہ فیکٹری سے مسجد الحرام منتقل کرنے کا عمل شروع ہوگیا ہے، کل یکم حجری سال کے آغاز پر خانہ کعبہ کا غلاف تبدیل کیا جائے گا۔

کنگ عبدالعزیز کمپلیکس سے غلاف کعبہ کو خصوصی ٹرکوں کے ذریعے بیت اللہ شریف لایا جا رہا ہے، کسوہ فیکٹری کے حکام نے غلاف کعبہ حرمین شریفین انتظامی امور کے سربراہ الشیخ عبدالرحمان السدیس کے حوالے کیا۔

غلاف کعبہ کے تبدیلی کی تقریب نماز عشاء کے بعد شروع ہوگی، نئے اسلامی سال 1445 کی شروعات ہوتے ہی مکہ مکرمہ میں کلاک ٹاور روشنیوں سے جگمگا اٹھا اور نئے اسلامی سال کو خوش آمدید کہا۔

مکہ مکرمہ میں مسجد الحرام کے سامنے بلند و بالا کلاک ٹاور نئے اسلامی سال کی آمد کے حوالے سے جگمگا اٹھا۔

کلاک ٹاور کی تھری ڈی لائٹس روشن کرکے نئے اسلامی سال 1445 کو خوش آمدید کہا گیا۔