فرانسں میں پیرس کے نواحی علاقے سارسل میں کرکٹ کے فروغ کے لیے کرکٹ اکیڈمی اور کرکٹ اسٹیڈیم ایمی ذولا کا باقاعدہ افتتاح کردیا گیا ہے۔
افتتاحی تقریب میں سفیر پاکستان عاصم افتخار احمد، پیرس کے نواحی علاقے سارسل کے مئیر پیٹرک ہیدد اور فرانسیسی ممبر پارلیمنٹ کارلوس مارٹن نے خصوصی طور پر شریک تھے۔
تقریب سارسل کے کرکٹ گراؤنڈ میں منعقد ہوئی، پاکستانی سفیرعاصم افتخار نے کہا کہ پاکستان، فرانس میں کرکٹ کو فروغ دینے کیلئے اپنا مثبت کردار ادا کرتا رہے گا تاکہ دونوں ممالک کے عوام کے درمیان موجودہ دوستانہ تعلقات کو مزید مستحکم کیا جاسکے۔
میئر پیٹرک ہیدد نے کہا کہ اس طرح کے نوجوانوں میں کھیل اور تعمیری مصروفیات کے رحجان کو ترغیب دینے میں مدد ملے گی، جبکہ مختلف سماجی اور ثقافتی سرگرمیوں سے نوجوانوں کو ایک دوسرے کو سمجھنے کا موقع ملے گا۔
کرکٹ اکیڈمی کے مالک امجد سندھو نے سفیر عاصم افتخار اور میئر کے ہمراہ کرکٹ میں استعمال ہونے والے سازو سامان کے سٹال کا بھی دورہ کیا۔
