کیا آپ اپنے گھر کے ارد گرد ان کیڑوں سے تنگ آ چکے ہیں اور اب تک بازار سے مہنگے اسپرے اور ادویات خرید کر تنگ ہیں تو گھریلو ٹوٹکے آزما کر دیکھیں۔

چیونٹیوں کا اسپرے:

چیونٹیان ایک دفعہ گھر کا راستہ دیکھ لیں تو پھر گھرمیں کھانے کی اشیائ کو بچانا ناممکن ہوجاتا ہے چونٹیوں سے نجات کے لئے صابن والا پانی اسپرے استعمال کریں یہ فیرومونز کی خوشبو کو دور کرتا ہے۔ فیروزومونز کیمیائی مادے ہیں جو چیونٹیاں اپنے ساتھیوں کو راغب کرنے کے لئے خارج کرتی ہیں۔

اسپرے بنانے کے لئے :

20 ملی لیٹر ہینڈ واش ، 1/4 کپ سرکہ اور 11/2 کپ پانی لیں، اچھی طرح مکس کریں اور اسپرے بوتل میں ڈالیں۔ اس مسکچر کو براہ راست چیونٹیوں پر اسپرے کریں۔

آپ بیکنگ سوڈا، دار چینی چھڑک سکتے ہیں یا چیونٹیوں کو پسپا کرنے کے لئے چیونٹیوں کے ارد گرد لہسن کے جوے رکھ سکتے ہیں۔

لال بیگ کا اسپرے:

بہت سے لوگوں کو اپنے گھروں میں لال بیگوں کا خطرہ ہوتا ہے اور یہاں ان سے چھٹکارا پانے کا ایک طریقہ ہے. آپ لال بیگ کو پسپا کرنے کے لئے تیز پتے ، پیپرمنٹ یا چائے کے درخت کا تیل استعمال کرسکتے ہیں۔

طریقہ 1:1 کپ پانی میں 6 سے 8 قطرے چائے کے درخت کا تیل اور 8 سے 10 قطرے پیپرمنٹ آئل ڈال کر اچھی طرح مکس کریں اور اسپرے کی بوتل میں ڈال دیں۔ اسےلال بیگ والی جگاہوں پر اسپرے کریں اور ہفتے میں ایک سے دو بار اس وقت تک استعمال کریں جب تک لال بیگ غائب نہ ہوجائیں۔

طریقہ 2:چینی کے ایک حصے کو بورک ایسڈ کے تین حصوں کے ساتھ مکس کریں۔ پھر ، آپ مرکب کو براہ راست ان جگہوں پر چھڑک سکتے ہیں جہاں آپ نےلال بیگ دیکھے ہیں ، یا آپ اسے کھانے کی کسی چیز پر رکھ سکتے ہیں۔ اسے رات بھر چھوڑ دیں اور صبح اسے خالی کردیں۔ کچھ دنوں تک اس عمل کو دہرائیں۔ لال بیگ ختم ہوجائینگے۔

مکھیاں:اگر اپکے گھر میں اس موسم میں مکھیوں کی بھرمار ہے تو یہ طریقہ آزمائیں

طریقہ:ایک چھوٹے جار یا پیالے میں سیب کے سرکے کے ساتھ ڈش صابن کے 1-2 قطرے بھریں اور اسے پھل مکھیوں کے قریب رکھیں۔ یہ طریقہ فائدہ مند ہے

مچھر سے بچاؤ:

کیا آپ اپنے کمرے میں مچھروں کی وجہ سے رات کی اچھی نیند کھو چکے ہیں؟ یا آپ کے باغ میں دن ڈھلتے ہی مچھروں کی بھرمار ہوتی ہے تو یہ قدرتی طریقہ آزمائیں

طریقہ:1/2 کپ پانی میں 1 چائے کا چمچ ناریل کا تیل اور کسی بھی تیل کے 18 سے 20 قطرے (ترجیحی طور پر سنٹرونیلا، چائے کے درخت یا پیپرمنٹ ذائقے) شامل کریں، اچھی طرح مکس کریں اور اسپرے بوتل میں ڈالیں ۔ مچھروں کو بھگانے کے لئے اپنے کپڑوں پر اس کا چھڑکاؤ کریں۔

مچھر کے کاٹنے کا علاج کیسے کریں:

آپ مچھر کے کاٹنے کے مقام پر سیب کے سرکے کے چند قطرے لگائیں، خشک ہونے کے لئے چھوڑدیں۔ اگر آپ کے پاس سیب کا سرکہ یا عام سرکہ نہیں ہے تو آپ کسی بھی جراثیم کش مائع (جیسے ڈیٹول، ساولن وغیرہ) کے چند قطرے بھی استعمال کرسکتے ہیں