وقت اور حالات جیسے بھی ہوں اگر کوئی سر تال پر مکمل ملکہ رکھتا ہو تو اس کی آواز کا جادو اپنے سحر میں جکڑ ہی لیتا ہے، راولپنڈی کے ایک گمنام کلاسیکل گلو کار عمران حسین بھی ہیں جو اپنے فن میں خوب مہارت رکھتے ہیں۔
کلاسیکل موسیقی کے سر بکھیرتے 52 سالہ عمران حسین کو یہ فن وراثت سے ملا ہے ، بارہ سال کی عمر سے شوق کو سینے سے لگائے ہوئے ہیں۔
دوستوں کی محفل ہو یا پھر کچھ لمحات تنہائی کے عمران حسین ہمیشہ اپنے شوق کو ہی ترجیح دیتے ہیں۔
راولپنڈٰی کے عمران حسین نے مہدی حسن کو استاد مانا اور رفیع کی پیروی کرتے ہوئے کلاسیکل موسیقی میں مہارت حاصل کی۔ کبھی تو وہ پارک میں بیٹھ کر بھی اپنی آواز کا جادو جگاتے ہیں۔
کلاسیکل گلو کار کا کہنا ہے کہ شہنشاہِ غزل مہدی حسن کواپنا استاد مانتے ہوئے انہی کے نقش قدم پر چلنے کا خواہاں ہوں اور دنیا موسیقی کے بے تاج بادشاہ محمد رفیع کا بھی مداح ہوں۔
عمران حسین چار سال سے بے روزگاری کے باعث تنگد ستی کی زندگی گزار رہا ہے لیکن سنگیت کو خود سے جدا نہ کرسکا۔
