کراچی میں واقع ریڑھی گوٹھ میں بااثر افراد نے اپنی عدالت لگالی، چوری کے الزام پر شہری کو چوک پر الٹا لٹکا دیا۔
بااثر افراد کی جانب سے شہری کو الٹا لٹکانے کے ساتھ تشدد کا نشانہ بھی بنایا گیا۔
واقعے کی ویڈیو وائرل ہوئی تو پولیس کو بھی نوٹس لینا پڑ گیا۔
پولیس کا کہنا ہے کہ واقعہ دو روز پرانا ہے، شہری کی شکایت پر مقدمہ درج کیا جائے گا۔
یاد رہے کہ ریڑھی گوٹھ میں بااثر افراد کی عدالت لگا کر شہری کو الٹا لٹکا کر تشدد کرنے کی ویڈیو منظر عام پر آنے سے قبل پولیس خاموش تھی تاہم جب ویڈیو لوگوں میں پھیل گئی تو پولیس کو معاملے پر بیان دینا پڑا۔
