کراچی کے علاقے نارتھ کراچی سیکٹر فائیو سی ٹو میں فائرنگ سے زخمی افراد کی تعداد 2 ہوگئی۔

پولیس کے مطابق فائرنگ کا واقعہ چائے کے ہوٹل پر ڈکیتی کے دوران مزاحمت پر پیش آیا ، جہاں 2 موٹرسائیکلوں پر سوار 4 مسلح ملزموں نے ہوٹل پر بیٹھے افراد کو لوٹنا چاہا۔

پولیس نے بتایا کہ شہریوں نے مزاحمت کی تو اسٹریٹ کرمنلز نے فائرنگ کی جس سے 2 افراد زخمی ہوئے۔

پولیس حکام کا کہنا ہے کہ فائرنگ سے زخمی ہونے والے افراد کو اسپتال منتقل کردیا گیا جبکہ ملزموں کی تلاش شروع کردی ہے۔