لاہور میں ایک اور ڈرون طیارہ منشیات کے پیکٹ لے جاتا ہوا فصلوں میں جا گرا۔
لاہور میں ڈرون کے ذریعے منشیات کی منتقلی کا عمل رک نہ سکا اور ایک اور ڈرون منشیات کے پیکٹ لیجاتا فصلوں میں جا گرا۔
پولیس کے مطابق ہڈیارہ کے علاقے میں ایک ڈرون منشیات لے جاتے ہوئے کھیتوں میں گرگیا، جس میں سے ڈرگ پاوڈر کے 5 پیکٹ برآمد ہوئے ہیں۔
حکام نے بتایا کہ ہڈیارہ پولیس اوراینٹی نارکوٹکس نے ڈرون اور اس میں سے ملنے والی منشیات قبضے میں لے کر لیا تحقیقات شروع کردی ہے۔
واضح رہے کہ ایک ہفتہ قبل بھی کاہنہ کے علاقے میں منشیات سے بھرا ڈرون گرا تھا، تاہم پولیس اور دیگر ادارے ڈرون کے ذریعے منشیات اسمگلنگ میں ملوث افراد کو تاحال گرفتار نہیں کرسکے۔
