لاہور: چیئرمین تحریک انصاف کے کیسز یکجا کرنے اور کارروائی روکنے کی درخواست آئندہ جمعہ 21 جولائی تج ملتوی کردی گئی۔
لاہور ہائی کورٹ کے جسٹس محمد امجد رفیق نے چیئرمین پی ٹی آئی کی درخواست پر سماعت کی، دوران سماعت عدالت نے رجسٹرار آفس کا اعتراض ختم کردیا۔
وکیل لطیف کھوسہ نے دلائل دیتے ہوئے کہا کہ تمام مقدمات میں ایک جیسی دفعات ہیں ایک جیسا رول بتایا گیا ہے، ایسا کبھی تاریح میں نہیں ہوا جو آج چیئرمین پی ٹی آئی کے ساتھ ہو رہا ہے۔
چیئرمین پی ٹی آئی کے وکیل لطیف کھوسہ نے کہا کہ آگر میرے موکل کسی مقدمے میں نامزد نہیں تھے تو بعد میں انہیں کسی اور کے کہنے پر نامزد کر دیا گیا۔
عدالت نے سے استفسار کیا کہ جتنے چالان ہوئے ہیں اس کا ریکارڈ کہاں ہے، جس پر سرکاری وکیل نے کہا کہ ابھی مکمل رپورٹ نہیں آئی، لہٰذا آپ پیر تک کے لئے سماعت ملتوی کر دیں۔
عدالت نے کیس پر مزید کارروائی 21 جولائی تک ملتوی کرتے ہوئے آئندہ سماعت پر مقدمات کے چالان کا ریکارڈ طلب کرلیا۔
