بہاولپور کے صحرائے چولستان میں نایاب نسل کے ہرن، تلور اور تِیتر کا شکار کرنے والے 5 شکاری دھر لیے گئے۔

شکاریوں نے محکمہ وائلڈ لائف کے عملے کی گاڑی کو ٹکر ماری جس سے سرکاری گاڑی کو شدید نقصان پہنچا جب کہ واقعے میں وائلڈ لائف کے دو ملازمین شدید زخمی بھی ہوئے۔

پانچ شکاریوں کو اسلحہ سمیت گرفتار کرلیا گیا ہے جب کہ شکاریوں کے قبضے سے شکار کیے گئے زبح شدہ دو ہرن، ایک تلور اور 21 جنگلی تیتر برآمد کیے گئے ہیں۔