شادی کی تقریب کے دوران وِگ سے اپنے گنج پن کو چُھپانے والے دولہا کو دلہن کے اہل خانہ نے پیٹ ڈالا۔
بھارتی ریاست بہار کے ضلع گیا میں زندگی کی نئی شروعات کے لیے بارات لے کر جانے والے کو لینے کے دینے پڑ گئے۔ بالوں سے محروم دولہا وِگ لگا کردلہن لینے پہنچا تھا۔
انڈیا ٹو ڈے کے مطابق اقبال پور کے رہائشی شخص کی یہ دوسری شادی تھی۔ باجوڑہ گاؤں میں ہونے والی اس تقریب میں دُلہا نے سر پرسہرا سجا رکھا تھا ۔
اس دوران دُلہن کے اہل خانہ کو شک گزرا کہ دکھائی دینے والے بال اصلی نہیں، چیک کرنے پر یہ بات منکشف ہوئی کہ دُولہا گنجا ہے اور یہ بات اس نے لڑکی والوں سے چھپائی تھی۔
دُلہن کے گھر والوں نے مشتعل ہوکر دولہا کو پیٹ ڈالا اور وگ بھی اتار دی۔
وائرل ویڈیو میں دیکھا جاسکتا ہے کہ دلہن کے اہل خانہ دولہے کو مارتے ہوئے تلخ کلامی بھی کررہے ہیں۔
دولہا نے بار بارہاتھ جوڑ کر معافی مانگی لیکن مار پیٹ کرنے والے اسے معاف کرنے کے لیے تیار نہیں تھے۔ آخر کار چند افراد نے مداخلت کرکے صلح صفائی کی کوشش کی ؛لیکن بات نہیں بنی۔
