محکمہ موسمیات نے ملک کے بیشتر علاقوں میں آج شدید گرمی کی پیش گوئی کی ہے جبکہ کچھ شہروں میں بارش کا بھی امکان ہے۔
محکمہ موسمیات کے مطابق ملک کے بیشتر علاقوں میں آج موسم گرم اور مرطوب رہے گا، وفاقی دارالحکومت اسلام آباد میں دن بھر موسم گرم اور مرطوب رہے گا۔
خیبرپختونخوا کے بیشتر اضلاع میں موسم گرم اور مرطوب رہنے کی توقع ہے جبکہ پشاور، نوشہرہ، صوابی ، مردان ، دیر، سوات، شانگلہ، بونیر، ایبٹ آباد اور مانسہرہ میں بارش کا امکان ہے۔
پنجاب کے بیشتر مقامات پر آج موسم گرم اور مرطوب رہے گا تاہم لاہور، مری، راولپنڈی، سیالکوٹ، نارووال ، گوجرانوالہ اور چکوال میں بادل برسنے کی توقع ہے۔
محکمہ موسمیات کے مطابق سندھ اور بلوچستان کا موسم بھی گرم اور مرطوب رہے گا۔ گلگت بلتستان میں مطلع جزوی ابرآلود اور موسم خشک رہے گا، آزادکشمیر کے چند مقامات پر گرج چمک کے ساتھ بارش کا امکان ہے۔
