کہتے ہیں اگر آپ کے دل میں کسی چیز کا ڈر ہو تو اسے دور کرنے کیلئے اس کا سامنا کرنا پڑتا ہے، اور ایسا ہی کچھ کیا ہے پاکستان کے مشہور اداکار اور پلاسٹک سرجن فہد مرزا نے، جن کی ایک ویڈیو سوشل میڈیا پر خوب وائرل ہو رہی ہے۔

فہد مرزا نے اپنے ڈر کو قابو کرنے کیلئے دریا میں چھلانگ لگا دی۔

مذکورہ ویڈیو میں دیکھا جا سکتا ہے کہ فہد سوئٹزرلینڈ میں ایک دریا کے اوپر موجود پل پر کھڑے ہیں، جہاں سے انہوں نے دریا میں چھلانگ لگائی اور تیراکی کرتے ہوئے ایک اونچی دیوار تک پہنچ گئے۔

لیکن وہ دریا سے باہر کیسے نکلے یہ ایک معمہ ہے، کیونکہ وہاں سے نکلنے کی کوئی جگہ نظر نہیں آتی۔

اپنی تیراکی کی ویڈیو انہوں نے اپنے آفیشل انسٹاگرام اکاؤنٹ پر شیئر کی اور کیپشن میں لکھا، ’خوف کو اپنے رہنما کے طور پر دیکھیں، آپ جس چیز سے ڈرتے ہیں، آپ کو وہی کرنے کی ضرورت ہے۔

فہد مرزا کی اس ویڈیو کو سوشل میڈیا پر اب تک ہزاروں ویوز مل چکے ہیں۔