سری لنکا روانگی سے قبل پاکستان کرکٹ بورڈ کی مینجمنٹ کمیٹی کے چیئرمین ذکاء اشرف کا قومی ٹیم کے کپتان بابراعظم سے ٹیلی فونک رابطہ ہوا۔ جس میں انھوں نے بابر اعظم کو قیمتی مشوروں سے نوازا۔

چئیرمین منیجمنٹ کمیٹی ذکاء اشرف نے کپتان بابر اعظم سے ٹیلیفونک گفتگو میں قومی ٹیم کے لیے نیک خواہشات کا اظہار کیا جبکہ بابراعظم نے ذکاء اشرف کو چئیرمین مینجمنٹ کمیٹی کا عہدہ سنبھالنے پر مبارکباد پیش کی۔

ذکاء اشرف نے کہا کہ پوری ٹیم کو میری طرف سے نیک خواہشات کا پیغام دیں، دورہ سری لنکا اور ایشیا کپ میں ٹیم کامیابیاں سمیٹے گی۔

اس موقع پر بابر اعظم کا کہنا تھا کہ آپ کے پچھلے دور میں بھی پاکستان نے ایشیا کپ جیتا تھا، اس بار بھی ایشیا کپ جیت کر پاکستان لائیں گے، پاکستان کی خاطر بھرپور توانائی کے ساتھ میدان میں اتریں گے۔