قومی کرکٹ ٹیم کے فاسٹ بالرحارث رؤف کی تقریب ولیمہ کی تصاویر سوشل میڈیا پر وائرل ہیں ۔
گو قومی کرکٹ ٹیم کے بیشتر کھلاڑی کراچی میں ہونے کے باعث حارث کی شادی میں شریک نہیں ہوسکے لیکن شادی کی اس آخری تقریب میں عزیزواقارب کے علاوہ صحافی حضرات اور کئی معروف سیاسی وسماجی شخصیات نے شرکت کی۔
تقریب ولیمہ میں دلہا نے ٹو پیس جبکہ دلہن نے فان گولڈن لباس کا انتخاب کیا، دونوں کی دلکش تصاویرسوشل میڈیا پر وائرل ہیں۔
حارث رؤف کے ولیمے کا کھانا تناول فرمانے والوں میں وفاقی وزیر دفاع خواجہ آصف، فخر زمان، سہیل تنویر، مصباح الحق، فہیم اشرف سمیت چیف ایگزیکتو آفیسر لاہورقلندرزعاطف رانا اور ہیڈ کوچ عاقب جاوید بھی شامل تھے۔
واضح رہے کہ حارث رؤف کا نکاح دسمبر2022 میں ان کی کلاس فیلو مزنہ مسعود کے ساتھ ہوا تھا۔
