لاہور کی انسداد دہشت گردی عدالت نے 9 مئی کو قصور میں توڑ پھوڑ اور سڑک بلاک کرنے سے متعلق کیس میں 11 ملزمان کی ضمانتوں میں 10 اگست تک توسیع کردی۔

انسداد دہشت گردی عدالت کے جج اعجاز احمد بٹر نے 9 مئی کو توڑ پھوڑ اور سڑک بلاک کرنے سے متعلق کیس میں ضمانت کی درخواستوں پر سماعت کی۔

عبوری ضمانت کی معیاد مکمل ہونے پر درخواست گزار ملزم انسداد دہشت گردی عدالت میں پیش ہوئے۔

عدالت نے قصور میں درج مقدمے میں مراتب علی ، محمد ایوب اور اصغر سمیت 11 ملزمان کی ضمانتوں میں 10 اگست تک توسیع کردی۔

انسداد دہشتگردی عدالت نے آئندہ سماعت پر تفتیشی رپورٹ طلب کرلی۔ ملزموں کے خلاف تھانہ سٹی پتو کی قصور میں درج ہے۔