ایشین ہاکی چیمپئنز ٹرافی سے قبل تربیتی کیمپ میں فار ورڈ رومان آنکھ پر گیند لگنے سے زخمی ہوگئے۔

ایشین ہاکی چیمپئنز ٹرافی کا تربیتی کیمپ لاہور میں جاری ہے۔ دوران پریکٹس ٹیم کے فارورڈ کھلاڑی رومان کی آنکھ پر گیند لگ گئی۔ جس سے وہ زخمی ہوگئے۔

ٹیم انتظامیہ کے مطابق رومان کی آنکھ میں دو جگہ زخم آئے جس پر10 ٹانکیں لگے تاہم ٹیم کے فارورڈ پلیئر کی طبیعت پہلے سے بہتر ہے۔

یاد رہے کہ ایشین ہاکی چیمپئنز ٹرافی 3 اگست سے بھارتی شہر چنائے میں شروع ہوگی، قومی ہاکی ٹیم کی بھارت روانگی حکومتی اجازت سے مشروط ہے۔