میٹا باس مارک زکربرگ کے مطابق جمعرات کو ٹوئٹر کے جواب میں لانچ ہونے والی ”تھریڈز“ ایپلی کیشن پر صرف چار گھنٹوں میں پانچ ملین سے زائد لوگوں نے سائن اپ کیا۔
اگر آپ بھی ”تھریڈز“ پر اکاؤنٹ بنانا چایتے ہیں تو اس کا طریقہ کار اور تفصیل جان لیں۔
تھریڈز کو آپ اپنے انسٹاگرام لاگ ان کا استعمال کرتے ہوئے بھی سائن اپ کرسکتے ہیں، جس کے بعد آپ ان تمام اکاؤنٹس کو فالو کرنے کے قابل ہو جائیں گے جنہیں آپ پہلے ہی انسٹاگرام پر فالو کر رہے ہیں۔
آپ تھریڈز پر 500 حروف تک کی پوسٹس کرسکتے ہیں، جن میں تصاویر، gifs، اور پانچ منٹ تک کی ویڈیوز شامل ہیں۔
یہ کافی حد تک ٹوئٹر کی طرح ہی ہے، جس میں مختصر ٹیکسٹ پوسٹ، لائک اور ری پوسٹس شامل ہیں۔ آپ ایک تھریڈ کو کوٹ ٹویٹنگ کی طرح کوٹ کر سکتے ہیں۔
لانچ ہونے کے چند گھنٹوں بعد تھریڈز پر جو تنقید شروع ہوئی، وہ یہ تھی کہ لوگوں کو کچھ متعلق اکاؤنٹس سے پوسٹس کے ساتھ ایسی پوسٹس بھی دکھنے لگیں جنہیں صارفین نے فالو نہیں کیا ہوا تھا۔
اس پر میٹا کا کہنا ہے کہ یہ فالو کردہ اکاؤنٹس اور الگورتھمک سفارشات (سجیسٹڈ پوسٹس) کا مرکب ہے۔
اس وقت آپ جن لوگوں کو فالو کرتے ہیں صرف انہی کی پوسٹس دیکھنے کا کوئی طریقہ نہیں ہے۔
اس ایپ میں فی الحال دوسرے صارفین کو براہ راست پیغام دینے کا کوئی طریقہ نہیں ہے۔
جی ہاں، اگر آپ اپنے انسٹاگرام کو پرائیوٹ رکھنا چاہتے ہیں تو آپ اسے لاک ڈاؤن رکھ سکتے ہیں اور تھریڈز کو پبلک کر سکتے ہیں۔
اگرچہ آپ کی عمر 16 سال سے کم ہے تو انسٹاگرام کی طرح تھریڈز اکاؤنٹ بائے ڈیفالٹ پرائیوٹ ہوگا۔
آپ تھریڈز کو کسی بھی وقت پرائیوٹ بنا سکتے ہیں، اور یہ بھی منتخب کر سکتے ہیں کہ تھریڈز پر آپ کی پوسٹس کا جواب کون دے سکتا ہے۔
فی الحال آپ صرف iOS یا Android ایپس کے ذریعے تھریڈز تک رسائی حاصل کر سکتے ہیں۔ فی الحال اس کا کوئی ڈیسک ٹاپ ورژن نہیں ہے، اور میٹا نے یہ بھی بتایا کہ ڈیسک ٹاپ ورژن کب دستیاب ہوگا۔
میٹا نے اشارہ دیا ہے کہ وہ اس سال تھریڈز کو مونیٹائز نہیں کرے گا، لیکن مستقبل میں اشتہارات کے لیے دروازہ کھلا چھوڑ دیا ہے۔
فی الحال، میٹا لوگوں کو صرف ان کے انسٹاگرام کا استعمال کرتے ہوئے لاگ ان کرنے دے رہا ہے، اور آپ تھریڈز کے لیے بھی انستا اکاؤنٹ والا یوزر نیم رکھ سکیں گے۔ یہ ان اکاؤنٹس کے لیے اچھی خبر ہے جنہیں فکر ہے کہ کوئی ان کا یوزر نیم چرا سکتا ہے۔
یہ ایپ عریانیت جیسی چیزوں کے بارے میں ٹویٹر سے زیادہ سخت ہوگی، اور نفرت انگیز تقریر جیسے مواد کے قواعد کو نافذ کیا جائے گا، جس میں ایلون مسک کے اقتدار سنبھالنے کے بعد سے ٹوئٹر کی کمی ہے۔
میٹا ذرائع کا کہنا ہے کہ ریگولیشن کی وجہ سے یورپی یونین میں اس کے لانچ میں تاخیر ہوئی ہے، اس بارے میں خدشات پیدا کیے جا رہے ہیں کہ آیا ایپ سختیورپی یونین ڈیٹا پرائیویسی قوانین کی تعمیل کرے گی۔
پرائیویسی کے حامیوں نے ذاتی معلومات کی مقدار کی طرف اشارہ کیا ہے جو تھریڈز جمع کر سکتی ہے۔ بشمول صحت، فنانس، کانٹیکٹ، براؤزنگ اور سرچ ہسٹری ، لوکیشن ڈیٹا، خریداریاں اور ”حساس معلومات“۔
لوگ ایپ اسٹور پر تھریڈز کے ڈیٹا پرائیویسی کے انکشاف کے مطابق ایپ کے بارے میں فکر مند ہیں۔
