لاہور میں موسلا دھاربارش سے گزشتہ 30 سال کا ریکارڈ ٹوٹ گیا، ایسے میں قومی کرکٹ ٹیم کے فاسٹ بالرشاہنواز دھانی کو وزیرخارجہ اور چیئرمین پاکستان پیپلز پارٹی بلاول بھٹو کی یاد ستانے لگی۔

دھانی ان دنوں تربیتی کیمپ کے لیے پنجاب کے صوبائی دارالحکومت لاہور میں ہیں۔ نیشنل کرکٹ اکیڈمی میں موجود دھانی نے گراؤنڈ میں موسم کا لطف اٹھاتے ہوئے ٹوئٹر اپنی تصویر شیئرکی جس میں وہاں کھڑا بارش کا پانی بھی دیکھا جاسکتا ہے۔

اپنے چُلبلے پن کے لیے مشہور دھانی ایسا بلاسبب نہیں کررہے۔ بلکہ یہاں وہ اپنے فالوورز کو بلاول کا ماضی میں دیے جانے والے ایک بیان کا حوالہ دے رہے ہیں۔

مٹرگشت کرتے دھانی نے کیپشن میں لکھا، ’جب زیادہ بارش ہوتی ہے تو زیادہ پانی آتا ہے۔

تاہم سوشل میڈیا پریہ ٹویٹ وائرل ہونے کے بعد دھانی نے اسے ڈیلیٹ کردیا۔

دھانی کے فالوور نے تصویر کے ساتھ لکھے جانے والے جملے سے محظوظ ہوتے ہوئے دلچسپ تبصرے بھی کیے۔