اسلام آباد: وزیر خارجہ بلاول بھٹو زرداری دورہ جاپان مکمل کرکے امریکا پہنچ گئے ہیں۔
ذرائع کا کہنا ہے کہ بلاول بھٹو زرداری کا دورہ جاپان کل مکمل ہوا تھا جس کے بعد وہ امریکا پہنچے ہیں۔
ذرائع کے مطابق وزیر خارجہ چند روز امریکا میں قیام کریں گے جب کہ دورے کے دوران وہ امریکی تھنک ٹینکس سے ملاقات بھی کریں گے۔
بلاول بھٹو زرداری 4 روزہ دورے پر جاپان میں تھے جہاں ان کی جاپانی وزیراعظم سے ملاقات ہوئی، جس میں دو طرفہ تعلقات اور خطے کی صورتحال پر تبادلہ خیال کیا گیا۔
وزیر خارجہ بلاول بھٹو کی ٹوکیو میں جاپانی ہم منصب یوشی ماسا ہایاشی سے بھی ملاقات ہوئی تھی، جس میں دو طرفہ تعلقات کے فروغ پر تفصیلی تبادلہ خیال کیا گیا، اس موقع پر جاپان میں پاکستان کے سفیر رضا بشیر تارڑ بھی موجود تھے۔
