ان دنوں شہرت کی بلندیوں کو چھونے والے پاکستانی گلوکار کیفی خلیل کے گانے کہانی سنو کو بنگلہ دیشی گلوکارہ انکیتا بھٹاچاریہ نے بھی گنگنا دیا۔

بنگلہ دیشی گلوکارہ نے لائیو کنسرٹ میں اپنی سریلی آواز میں ’کہانی سنو‘ گا کر موسیقی کے متوالوں کے دل جیت لیے، گلوکارہ کی کمال پرفارمنس کی ویڈیو سوشل میڈیا پر بھی وائرل ہوگئی۔

کیفی خلیل کا سپر ہٹ گانا کہانی سنو 2021 میں ریلیز ہوا تھا، یہ گانا یوٹیوب پر مقبول 100 گلوبل گانوں کی فہرست میں 29 ویں نمبر پرآگیا ہے۔

واضح رہے کہ کیفی خلیل کے مشہور گانے پر اس سے قبل گلوکارہ آئمہ بیگ، آیوشمان کھرانا، جوبین نوٹیال اور ڈچ گلوکارہ ایما ہیسٹرز نے بھی اپنی آواز کا جادو جگایا تھا۔