شمالی افریقی ملک الجزائر میں تارکین وطن کو پکڑ کر ملک بدر کرنے کے لئے لیکر جایا جارہا تھا کہ اس دوران یہ افراد نے چلتی بس کی کھڑکی توڑ کر چھلانگ لگا کر رفوچکر ہوگئے۔

صحارا ممالک سے غیر قانونی تارکین وطن کو پکڑ کر ان کے ملک واپس پھیجا جارہا تھا کہ اس دوران انہوں نے فرار ہونے کا منفرد طریقہ اپنایا ہے۔ مذکورہ واقعے کی ویڈیو سوشل میڈیا پر وائرل ہوگئی ہے۔

ویڈیو میں دیکھا جاسکتا ہے کہ بس سڑک پر چل رہی تھی کہ تارکین وطن افراد کھڑکیوں کے شیشے توڑ کر سڑک سے کی دوسری جانب اطراف کے علاقوں کی جانب بھاگ رہے ہیں۔

یہ تمام افراد اپنے ملک میں جانے کے بجائے الجزائر میں رہنے کو ترجیح دے رہے ہیں اور یہ یہاں پر ہی رہنا چاہتے ہیں، ان میں سے کچھ ایسے ہیں جو یورپی ملک جانے کے خواہش مند ہیں۔