جہلم میں ادویات کے ڈسٹری بیوشن سینٹر کے باہر ہونے والی ڈکیتی میں مسلح افراد ڈسٹری بیوٹر سے بیس لاکھ روپے چھین کر فرار ہوگئے۔

تھانہ سول لائن پولیس نے ناکہ بندی کرکے ملزمان کی تلاش شروع کردی۔

دوسری جانب کرک میں نجی بینک میں بھی ڈکیتی کا واقعہ پیش آیا، چور نے لاکر کا صفایا کردیا۔

نامعلوم چور بینک کا لاکر توڑ کر 30 لاکھ 19 ہزار 788 روپے لے اڑے۔ چور نے سی سی ٹی وی کیمرےبھی توڑ دیئے۔

تھانہ کرک سٹی نے منیجر کی درخواست پر مقدمہ درج کر لیا۔

میلسی میں بھی موبائل مارکیٹ میں چوری کی واردات ہوئی، چور رات گئے پچاس لاکھ مالیت کے موبائل اور پانچ لاکھ روپے نقدی لے اڑے۔