چین میں سفاک شوہر نے بیوی کو گاڑی تلے کچل کر قتل کردیا۔

غیر ملکی خبررساں ادارے کے مطابق چین میں دن دیہاڑے اور سرعام ایک شخص نے خاتون پر گاڑی چڑھا کر جان سے مار دیا۔

واقعے کی ویڈیو بھی سوشل میڈیا پر وائرل ہوئی ہے، جس میں واضح طور پر دیکھا جاسکتا ہے کہ گاڑی میں سوار قاتل شخص ایک خاتون پر باربار گاڑی چڑھا رہا ہے، قاتل شخص گاڑی سے اتر کر خاتون کے مرنے کی تصدیق کرتا اور زندہ ہونے پردوبارہ گاڑی چڑھا دیتا۔

ڈونگینگ شہر کی پولیس کے مطابق گاڑی تلے کچلی جانے والی خاتون اسی شخص کی بیوی تھی جو اس پر گاڑی چڑھا رہا تھا، جسے گرفتار کرلیا گیا ہے، اور اس کے خلاف قتل کا مقدمہ درج کرے تفتیش شروع کردی گئی ہے۔

پولیس کے مطابق 37 سالہ شخص نے اپنی 38 سالہ بیوی کو خاندانی تنازعے پر تشدد کا نشانہ بنایا اور گاڑی تلے کچل کر ہلاک کر دیا۔

سوشل میڈیا پر ویڈیو وائرل ہوتے ہی جنگل کی آگ کی طرح پھیل گئی اور صرف دو روز میں اس ویڈیو کو 300 ملین افراد نے دیکھ لیا تھا، اور یہ چین میں حالیہ دنوں میں وائرل ہونے والی واحد ویڈیو ہے جسے چینی ’ویبو‘ پلیٹ فارم پرٹاپ ٹرینڈنگ میں دیکھا جا رہا ہے۔