تھانہ سٹی سمندری کے علاقے سے انٹرنیشنل اسنوکر پلئیر ماجد علی کی لاش برآمد ہوئی ہے۔

فیصل آباد کے تھانہ سٹی سمندری کے علاقے سے پولیس کو ایک لاش برآمد ہوئی ہے، جس کی شناخت ماجدعلی کے نام سے ہوئی ہے۔

پولیس کے مطابق ماجد علی انٹرنیشنل اسنوکر کے کھلاڑی تھے، اور ان کی عمر 28 سال تھی، پولیس نے لاش تحویل میں لے کر کارروائی کا آغاز کردیا ہے۔

ماجد علی نے 2018 میں ایران میں ایشین اسنوکر ٹورنامنٹ میں پاکستان کی نمائندگی کی تھی، جب کہ وہ 2013 میں ایشین جونیئر چیمپئن شپ کے رنر اپ رہے تھے، اس کے علاوہ ماجد علی 6 ریڈ چیمپئن شپ کے برانز میڈلسٹ بھی رہ چکے ہیں۔

پولیس کا کہنا ہے کہ ماجد علی کی موت کی تفتیش کا عمل جاری ہے، حقائق جلد سامنے آ جائیں گے۔

دوسری جانب نجی وی ٹی وی چینل نے دعویٰ کیا ہے کہ انٹرنیشنل اسنوکر کھلاڑی ماجد علی نے خودکشی کرلی ہے، اور وہ گزشتہ چند برسوں سے ڈپریشن کا شکار تھے

ماجد علی کے بھائی عمر نے واقعے کی جب کہ پاکستان بلیئرڈ اینڈ اسنوکر ایسوسی ایشن نے ماجد کی موت کی تصدیق کی ہے۔