ایف آئی اے نے گجرات سے مزید دو انسانی اسمگلر گرفتار کر لئے ہیں، جنہوں نے یورپ کا جھانسہ دے کر متاثرین سے فی کس 22 لاکھ روپے وصول کئے تھے۔
ترجمان ایف آئی اے کے مطابق یونان کشتی حادثے میں ملوث مزید 2 دو انسانی اسمگلرز کو گرفتار کر لیا گیا ہے۔
ترجمان نے بتایا کہ ملزمان میں عدنان انور اور معظم ریاض شامل ہیں، دونوں کو گجرات سے گرفتار کیا گیا ہے۔
ترجمان ایف آئی اے کے مطابق دونوں ملزمان نے 5 شہریوں کو اٹلی بھجوانے کا جھانسہ دے کر متاثرین سے فی کس 22 لاکھ روپے وصول کئے تھے۔
