سوشل میڈیا پر اسپتال کے کمرے میں ماں اور بیٹے کی جذباتی ملاقات کا ایک منظر وائرل ہے، بچہ 16 دن تک کوما میں رہنے کے بعد ہوش میں آیا تھا۔

ویڈیو میں دیکھا جا سکتا کہ اسپتال سے بچے کے کوما سے ہوش میں آجانے کی خبر سُن کر وہاں عدم موجود ماں بھاگتے ہوئے بیٹے سے ملاقات کیلئے پہنچتی ہے۔

ماں کا چہرہ دیکھتے ہی موبائل فون میں مصروف بیٹا رو پڑتا ہے، ماں نے بھی شدت جذبات سے بچے کو کافی دیر تک گلے لگائے رکھا۔

فوری طور پر اس حوالےسے تفصیلات سامنے نہیں آئیں کہ یہ ویڈی کہاں کی ہے۔

وائرل ویڈیو کلپ میں ماں اور بیٹے کی دلوں کو چھو لینے والی ملاقات کے مناظرنے صارفین کی آنکھیں بھی نم کردیں جنہوں نے تبصروں میں بچے کے لیے نیک خواہشات کا اظہار کیا۔