ایف آئی اے اینٹی منی لانڈرنگ ٹیم نے کارروائی کرتے ہوئے پرویز الٰہی کے فرنٹ مین محمد زمان کو گرفتار کر لیا۔
ذرائع کے مطابق پرویز الٰہی کے فرنٹ مین اور گن مین محمد زمان گرفتار کرلیا، یہ سابق وزیراعلیٰ پنجاب کا کیش بوائے بھی تھا جو ان کے غیر قانونی پیسوں کے لین دین اور ترسیل میں ملوث ہے۔
ذرائع کا کہنا ہے کہ ایف آئی اے نے محمد زمان کے موبائل فون سے اہم شواہد حاصل کر لیے جب کہ عدالت نے محمد زمان کا 4 روزہ جسمانی ریمانڈ منظور بھی کرلیا۔
دوسری جانب ایف آئی اے ٹیم اور پولیس منی لانڈرنگ کیس اور محمد زمان کے حوالے سے تحقیقات کے لئے پرویز الٰہی کو لینے کیمپ جیل پہنچ گئی۔
